A ASOCIACIÓN VECIÑAL DE EIRÍS
“UXÍO CARRÉ” INFORMA :
Estas son as propostas para as que pedimos
o voso apoio nos
Orzamentos Participativos da Coruña 2021:
Este ano de novo parte dos orzamentos do Concello da Coruña decidímolo entre todas e todos!!
Dende https://nacorunacontas.coruna.gal/ podes apoiar proxectos en tres distritos diferentes, e na“Cidade en xeral”. #Eirís é o #Distrito8. Se aínda non te rexistraches pódelo facer no momento, hai que ter o padrón na Coruña e ter un correo electrónico. A vosa axuda é moi importante para nós!!
LUNS 25 de outubro de 2021
de 17:30 a 19:30h
no local da AVV de Eirís
(Centro Cívico)
Novamente estarán técnicos municipais para que todos e todas poidamos votar!!
👉🏿 1. Ampliación da beirarúa na Canteira de Eirís - Camiño de Santiago.
nacorunacontas.coruna.gal/budgets/5/investments/3637 Código 3637 Distrito 8
Na avenida de Monelos, do 217 ata o 221,a beirarrúa é tan estreita que non se poden cruzar 2 persoas, e as cadeiras de rodas teñen que circular polo asfalto. Ten habido xa varios atropelos.
É Camiño de Santiago, acceso para o CHUAC, ten a uns metros a parada do bus de varias escolas, e é unha zona bastante transitada. A beirarrúa de enfronte está sen rematar a esta altura, polo que hai que ir por este tramo tan estreito sempre. SOLICITAMOS que se amplíe esa beirarrúa e se desprace o asfalto cara o lado de enfronte, que hai un amplo arcén, e que se habilite a beirarrúa de enfronte ata o paso peonil.
👉🏿 2. Restauración do chamado "Castelo de Eirís" ou "Forte de Valparaíso"
nacorunacontas.coruna.gal/budgets/5/investments/3631 Código 3631 Distrito 8
O chamado "Castelo de Eirís" ou "Forte de Valparaíso", leva esmorecendo moitos anos. Cada ano os muros son máis baixos, e ata hai nada había a diario xente xogando a trepar por eles, aumentando o deterioro.Leva varios amagos de conservación, que de pouco serven xa que o abandono posterior desfai o traballo, convertendo a inversión en gasto. SOLICITAMOS que se faga unha restauración e protección definitiva. Tamén é preciso minimizar a degradación e levar a cabo labores de interpretación pola súa proximidade ó Camiño Inglés e polo seu valor material e inmaterial.
👉🏿 3. Cando non hai placa que poña onde estás. Toponimia e Patrimonio na Coruña .
nacorunacontas.coruna.gal/budgets/5/investments/3610 Código 3610 Dist“TODA A CIDADE”
Nos barrios da "periferia", zonas sen edificios nin beirarrúas,non hai placas co nome das rúas. Salvemos a toponimia e a micro-toponimia como parte do Patrimonio. SOLICITAMOS que se coloquen placas cos nomes que xa teñen os lugares, pero sen cambiar os nomes das rúas. Que poñan os mesmos nomes de rúa dos nosos enderezos, os mesmos que pon o Concello nas cartas nas que nos envía os recibos!!
O Foxo, Eirís de Arriba, Eirís de Abaixo, Curramontes, O Castaño, Pedralonga, Pedro Fernández, Palavea, Monte do Mero, Elviña, A Silva, A Moura, Marzán, Cances, A Fontaíña, Loureiro de Visma, San Cristovo, Penamoa, Martinete, As Revoltas...
👉🏿 4.Cando non hai placa que poña onde estás. Toponimia e Patrimonio
nacorunacontas.coruna.gal/budgets/5/investments/3607 Código 3607 Distrito 8
No barrio de Eirís é un dos máis afectados, xa que boa perte do barrio non ten edificios nin beirarrúas. En 20 anos pedíndoo, chegaron a levar os nomes a outros barrios (cousas como ter que ver "Casanova de Eirís" no Castrillón), ou a cambiar “Eirís de Arriba” ó outro lado da estrada...
Queremos que se coloquen placas cos nomes que xa teñen os lugares: O Foxo, Eirís de Arriba, Eirís de Abaixo, Curramontes, O Castaño, Monte do Mero,...
👉🏿 5. Camiño de Santiago. Non cambiar o percorrido para especular.
nacorunacontas.coruna.gal/budgets/5/investments/3617 Código 3617 Distrito 8
O Camiño de Santiago atravesaba Eirís. Era o “Camiño de Eirís”. O “Camiño Real”. Partía da Estrada de Eirís, entraba en Eirís de Abaixo, pasaba pola Fonte dos Caños, pola casa de Xosé Lesta Meis, subía cara MonteMero, e baixaba a Pedralonga. Figuraba nas escrituras das fincas lindeiras. Coas cunchas, as frechas amarelas... Pero coas obras do Parque Ofimático fixeron un "Desvío provisional do Camiño de Santiago" á Estrada de Eirís, e logo as escavadoras eliminarono, incomunicando de paso parte do barrio, substituíndoo por unhas escaleiras imposibles. A Xunta modificouno sen previo aviso, e o Concello non o impediu. Ese terreo é propiedade do Concello. SOLICITAMOS que o habiliten de novo como Camiño, e recuperar o Camiño de Santiago.
👉🏿 6. Asfaltado das pistas en Eirís. Máis de 20 anos parcheando as fochancas.
nacorunacontas.coruna.gal/budgets/5/investments/3622 Código 6322 Distrito 8
A conexión de Monte do Mero con Pedralonga e con Xuxán + Avenida de Montserrat e conexión co Hospital Oncolóxico + Camiño da Regueira + Estrada de Eirís e parte superior da Avenida de Monelos + Eirís de Arriba + Eirís de Abaixo + Lugar da Lamadosa + Lázaro Cárdenas... Fochancas nas fochancas,cruces cheos de pedras e area. Necesitan un asfaltado en condicións. Aliviadeiros para que a auga teña saída... Xa chega de rebacheos!
👉🏿 7. Facilitar o paseo: Papeleiras e bancos na zona accesible de XUXÁN (Parque Ofimático)
nacorunacontas.coruna.gal/budgets/5/investments/3613 Código 3613 Distrito 8
É o acceso para moitas vivendas novas, as menos novas, un colexio, e zona de paseo e esparcementopara moita xente dende a Estrada de Eirís pasando por Xuxán ata a zona de Montemero, O Foxo e Elviña, xa que é unha zona tranquila, e máis dende a chegada da pandemia. Moitas son persoas maiores, que agradecerían ter bancos nos que poder sentarse. Do mesmo xeito, está cheo de lixo porque non hai nin unha soa papeleira en todo o perímetro de Eirís de arriba, Eirís de abaixo, Montemero,O Foxo e Xuxán.
👉🏿 8. Panéis informativos en Eirís: Facilitar a participación tamén no rural.
nacorunacontas.coruna.gal/budgets/5/investments/3606 Código 3606 Distrito 8
En Eirís, onde moitas en moitas vivendas non nos queren poñer Fibra óptica e a conexión a internet é dunha calidade pésima. E temos xente maior que non usa internet, polo que moitas veces quedan fora do circuíto cultural, sociocultural, de ocio, social, pedagóxico...
O Centro Cívico está case nun dos extremos do barrio, na zona urbana, nun sitio que non é de paso para a maior parte do barrio. Para facilitar o acceso á información de actividades culturais, asembleas veciñais, etc...e para favorecer a participación e a interacción co resto da veciñanza, solicitamos a instalación de 3 paneis informativos nas zonas máis afastadas do Centro Cívico.
👉🏿 9. Parque Infantil + Zona Biosaudable no alto de Eirís.
nacorunacontas.coruna.gal/budgets/5/investments/3619 Código 3619 Distrito 8
Dende o Parque que hai sobre o túnel de Eirís ata Fonteculler non atopamos ningunha zona biosaudable, con aparellos para facer ximnasia ó aire libre en calquera momento. E case ocorre o mesmo cos parques infantís. Esta zona máis rural ten moitas cousas pendentes, estas 2 son parte delas. É NECESARIO tanto pola idade da poboación (persoas maiores, moitas veces con nenos e nenas ó seu cargo durante o día) como por ser unha zona que escolle moita xente para pasear, consideramos que debera haber unha zona destas características no alto de Eirís.
Co teu voto participas no futuro do barrio
Achégate ó local o Luns 25 de 17:30 a 19:30h
ou chama ou manda mensaxe ó 604032832
E se tes dúbidas sobre o proceso e non podes vir, chama ó 010 e axudarante!
